EL-'ALEK,1
Lexo me emrin e Zotit tënd, i Cili krijoi (gjithçka)
Ju do mund të lexoni Kuranin me shumë lehtësi duke e lexuar atë në shkronja latine dhe duke e dëgjuar përmes audio inçizimit. Kurani online tani është lehtësim për ata që dëshirojnë të lexojn në çdo kohë.
![](https://lexokuran.com/wp-content/uploads/2022/03/asset-ornamen2.png)
![](https://lexokuran.com/wp-content/uploads/2022/03/asset-ornamen1-1024x827.png)
![107-[Converted] 107-[Converted]](https://lexokuran.com/wp-content/uploads/2022/03/107-Converted.png)
Shtyllat Islame
5 Shtyllat e Islamit
janë praktika themelore në Islam, të konsideruara si vepra të detyrueshme të adhurimit për të gjithë myslimanët.
![Shahadeti](https://lexokuran.com/wp-content/uploads/2022/03/Asset-10@4x.png)
Shahadeti
(Besimi)
![Namazi](https://lexokuran.com/wp-content/uploads/2022/03/Asset-17@4x.png)
Namazi
(Lutje)
![Zekati](https://lexokuran.com/wp-content/uploads/2022/03/Asset-19@4x.png)
Zekati
(Lëmoshë)
![Agjërimi](https://lexokuran.com/wp-content/uploads/2022/03/Asset-16@4x.png)
Agjërimi
(Agjërimi)
![Haxhi](https://lexokuran.com/wp-content/uploads/2022/03/Asset-6@4x.png)
Haxhi
(Pelegrinazhi)
PËRJETONI NJË TJETËR EKSPERIENCË
Lexoni & Ndëgjoni
Ju do mund ta lexoni Kuranin përmes platformës online në gjuhën Shqipe & Arabe dhe Transliterim, për ata të cilët nuk i njohin ende shkronjat e Kuranit, tani mund ti lexojn në transliterim me shumë lehtësi. Gjithashtu ju mund ta ndëgjoni recitimin e Kuranit në platformën tonë nga recitues të njohur botëror
- Lexoni
- Transliterim
- Ndëgjoni
![](https://lexokuran.com/wp-content/uploads/2020/11/2684-1.jpg)
MËSONI MË SHUMË RETH
Zbritjes së Kuranit
Kurani, për herë të parë kur i ka zbritur të Dërguarit të All-llahut (ﷺ), ka zbritur në Natën e Kadrit në ramazan. All-llahu i Lartësuar ka thënë:
إِنَّا أَنزَلْنَاهُ فِي لَيْلَةِ الْقَدْرِ (1)
“Ne e kemi zbritur atë në Natën e Kadrit.” [El-Kadr, 1]
إِنَّا أَنزَلْنَاهُ فِي لَيْلَةٍ مُبَارَكَةٍ إِنَّا كُنَّا مُنذِرِينَ (3) فِيهَا يُفْرَقُ كُلُّ أَمْرٍ حَكِيمٍ (4)
“3. Ne e zbritëm Kuranin në një natë të bekuar. Vërtet, Ne gjithmonë kemi qenë paralajmërues. 4. Në atë (natë) ndahet çdo punë e urtë (engjëjt e rishkruajnë nga Leuhi Mahfûdh kaderin e një viti)” [Ed-Dukhân]
شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنْ الْهُدَى وَالْفُرْقَانِ
“Muaji i Ramazanit është ai, në të cilin ka zbritur Kurani, që është udhërrëfyes për njerëzit, plot me shenja të qarta për rrugën e drejtë dhe për dallimin (e së vërtetës nga e kota).” [El-Bekara, 185]
Kur filloi t’i zbresë Kurani për herë të parë Profetit (ﷺ), mosha e tij ishte dyzet vjeçare, sipas mendimit të njohur të dijetarëve. Kështu është transmetuar nga Ibën Abbâsi (radijAll-llahu anhumâ), Atâi, Seîd ibnul-Musejjib dhe të tjerë. Dhe kjo është mosha kur arrihet pjekuria, logjika më e përsosur dhe perceptimi më i plotë.
Kurse ai që e zbriti Kuranin nga All-llahu i Lartësuar te Profeti (ﷺ) është Xhibrili, njëri prej engjëjve të afërt dhe fisnikë. All-llahu i Madhëruar ka thënë për Kuranin:
وَإِنَّهُ لَتَنْزِيلُ رَبِّ الْعَالَمِينَ (192) نَزَلَ بِهِ الرُّوحُ الأَمِينُ (193) عَلَى قَلْبِكَ لِتَكُونَ مِنْ الْمُنذِرِينَ (194) بِلِسَانٍ عَرَبِيٍّ مُبِينٍ (195)
“192. Nuk ka dyshim se ky (Kuran) është Shpallja e Zotit të botëve. 193. Atë e zbriti Shpirti i besueshëm (Xhibrili) 194. në zemrën tënde (o Muhamed) që të jesh nga ata që paralajmërojnë. 195. E zbriti në gjuhën e qartë arabe.” [Esh-Shu’arâ’]
Xhibrili (alejhis-selâm) ka pasur veti të lëvdueshme e të madhërishme, si: fisnikëria, fuqia, afërsia me All-llahun e Madhëruar, pozita dhe respekti në mes engjëjve të tjerë, besnikëria, bukuria dhe pastërtia… cilësi me të cilat All-llahu e ka bërë kompetent dhe të denjë për të qenë i dërguar i All-llahut që ua kumton shpalljen e Tij të Dërguarve (prej njerëzve). All-llahu i Lartësuar ka thënë:
إِنَّهُ لَقَوْلُ رَسُولٍ كَرِيمٍ (19) ذِي قُوَّةٍ عِنْدَ ذِي الْعَرْشِ مَكِينٍ (20) مُطَاعٍ ثَمَّ أَمِينٍ (21)
“19. se ky (Kuran) është Fjalë e (kumtuar prej) një të Dërguari fisnik, 20. që zotëron fuqi dhe pozitë të lartë te Zoti i Fronit 21. e që është i respektuar atje dhe besnik.” [Et-Tekuîr]
Dhe ka thënë:
عَلَّمَهُ شَدِيدُ الْقُوَى (5) ذُو مِرَّةٍ فَاسْتَوَى (6) وَهُوَ بِالأُفُقِ الأَعْلَى (7)
“5. Atë (shpalljen) ia ka mësuar atij një (engjëll) shumë i fuqishëm (Xhibrili), 6. i hatashëm (i bukur), që iu paraqit qartë, 7. në horizontin më të lartë.” [En-Nexhm]
Gjithashtu, All-llahu i Lartësuar ka thënë:
قُلْ نَزَّلَهُ رُوحُ الْقُدُسِ مِنْ رَبِّكَ بِالْحَقِّ لِيُثَبِّتَ الَّذِينَ آمَنُوا وَهُدًى وَبُشْرَى لِلْمُسْلِمِينَ (102)
“Thuaj: “Atë (Kuranin) e ka zbritur Shpirti i Pastër (Xhibrili) nga Zoti yt me të vërtetën, për t’i forcuar ata që besojnë dhe për të qenë udhërrëfyes dhe lajm i mirë për ata që i dorëzohen All-llahut”.” [En-Nahl, 102]
All-llahu i Lartësuar na i ka sqaruar neve cilësitë e Xhibrilit, i cili e zbriti Kuranin prej Tij, dhe kjo tregon për madhështinë e Kuranit dhe përkujdesjen e All-llahut për të, sepse një i madhërishëm nuk dërgohet për tjetër, veçse për çështje të madhërishme!
_____________
Autor: Ibën Uthejmin
“Usûl fit-tefsîr”, f. 11-12
MË I MIRI PREJ JUSH ËSHTË AI I CILI E MËSON KURANIN DHE UA MËSON TË TJERËVE
Pejgamberi Muhammed (sal-allahu alejhi ue selem)
![](https://lexokuran.com/wp-content/uploads/2022/03/asset-ornamen1-1024x827.png)